放大版 Mate 7?華為 7 吋 4G 雙卡 MediaPad X2 極速試

2015-03-07 06:09
講到 2015 最令人期待的平板,可能有網友覺得係性價比高的 Nokia N1 又可能係規格強勁的 Sony Xperia Z4 Tablet 。不過,今次要介紹的華為 MediaPad X2 大家亦不能忽視,皆因呢部平板除左係目前最薄的 7 吋平板之外,規格仍相當唔簡單。閒話唔講咁多,一齊睇下版主的一手試玩啦!

放大版 Mate 7?華為 7 吋 4G 雙卡 MediaPad X2 極速試
 

MediaPad X2 全能平板:4G 雙卡、可通話、大電量、高規格一次擁有

單純以規格而言,其實 MediaPad X1 就已經是一款很不錯的平板產品,係硬件上呢部華為平板除左搭載方便單手握持的 7 吋 Full HD 螢幕之外,仲係一款可以通話的平板。新一代的 MediaPad X2 外觀設計同前一代好類似,不過係硬體部分就加強唔少。除左將 CPU 升級成海思麒麟 930 呢粒支援 64 bit 的 2.0 GHz 八核心處理器之外,甚至多左 4G 雙卡雙待同埋 Cat.6 LTE 網路支援,電池方面就有 5000mAh 。以目前市場上 7 尺寸平板來講,MediaPad X2 在規格上確實出眾。

放大版 Mate 7?華為 7 吋 4G 雙卡 MediaPad X2 極速試
MediaPad X2 主打高速網路、優異相機、纖薄機身,同埋頂級規格。同大部份華為產品一樣, MediaPad X2 都會推出兩種版本,標準版會係銀色機身,只搭載 2GB RAM 同 16GB ROM,而今次大家見到的旗艦版就會採用金色機身,搭配 3G RAM 同32G ROM 規格。(同 Mate 7 一樣,金色版規格強啲又貴啲)

放大版 Mate 7?華為 7 吋 4G 雙卡 MediaPad X2 極速試
▲雖然話支援 4G 雙卡同 5000mAh 大電池,但係 MediaPad X2 仍然可以將機身維持在 7.28mm,成為目前最薄的 7 吋平板。另卡槽位置、電源鍵、音量鍵都配置在機身右側。

放大版 Mate 7?華為 7 吋 4G 雙卡 MediaPad X2 極速試
▲剛剛提到相機都係賣點,主要係因為 MediaPad X2 的相機規格以平板產品來講都屬於相對高端的,搭載 1300 萬像素主相機同埋 F2.4 的光圈和 22mm 廣角的 500萬像素前置相機。

放大版 Mate 7?華為 7 吋 4G 雙卡 MediaPad X2 極速試
▲唔少用家獨愛 7 吋平板,一來操控方便啲,二來亦可能當係特大屏幕手機咁用。呢部 MediaPad X2 支援 4G 雙卡雙待,又有通話功能,以七吋平板來講實在頗具優勢。

雖然目前 MediaPad X2 上市價格和時間未定,不過我哋可以用 2014 年推出 MediaPad X1 定價作為參考。MediaPad X1 定價 399 歐元(折合約 HK$3,459),如果呢部新一代的 MediaPad X2 都係以相近價錢開賣,唔知大家又有無興趣入手呢?大家不妨留言分享下啦!icon
發表於 2015-04-22 21:58
2 樓
福民,有水货買啦!買H$2880.