中港 4G 7 吋平板華為 MediaPad X2 登場!賣價夠吸引嗎?

2015-07-22 11:46
上星期版主就同大家預告過大家望穿秋水,係 MWC 2015 發佈數個月後仍未到港的華為 MediaPad X2 即將發佈。今日華為官方終於將呢部 7 吋既通話平板帶到黎香港,從規格來講 MediaPad X2 係市面上其實具有一定優勢。至於呢部華為重點平板係定價方面又吸唔吸引呢?一齊來睇睇啦!

中港 4G 7 吋平板華為 MediaPad X2 登場!賣價夠吸引嗎?
 


雙卡中港 4G 支援規格旗艦級! MediaPad X2 香港正式登場!

有關 MediaPad X2 有乜嘢賣點之前其實都有同大家提過,而 YK 更加分享過大陸版銀色 32GB 版本開箱!基本上 MediaPad X2 大家可以視之為一部有 7 吋大芒的手機,因為 X2 除左支援 4G 以及語音通話之外更加有雙卡加持,兩個卡槽都支援 4G,但一張 4G 運作時候,另一張就會變成 2G 卡。另外 X2 香港版的主要賣點之一就係支持中港 3G 、 4G ,即係 TDD-LTE 同埋 TD-SCDMA 都支援!係硬件規格方面,正式到港推出的 X2 一樣係有 7 吋 FHD 解像度 IPS LTPS 屏幕,處理器就係 Kirin 930 八核心 2GHz + 1.5GHz 處理器配上 3GB RAM 以及 32GB 內置容量(支援最大 128GB microSD 記憶卡擴充)。相機方面就有 f/ 2.0 大光圈1300 萬像素主鏡頭以及 500 萬像素前鏡。電池就有 5000mAh。

講左咁耐終於來到 X2 的開賣細節以及定價部份!係今次發佈會上面華為就宣佈 X2 將會有金色版本,而定價就係 $3280 。正式開賣的日期會係 7 月 24 日,華為網上商店 Vmall 及主要零售點也有售。
 

對撼 7-8 吋 4G 平板, MediaPad X2 又有無優勢?

係 7-8 吋 4G 平板市場來講,其實 X2 係有一定優勢的。雖然 4G 平板今年來講有更多的選擇(上年多數仍然只得 3G ),不過了解到香港市場需要而推出全網通版本平板的廠牌實在少,目前都只有 Samsung 前排推出的 Galaxy Tab A 系列支援。今次規格比拼版主就將近來支援 4G 以及尺吋都在 8 吋左右的平板加入左一個比較,唔知今次推出的 MediaPad X2 係價錢同規格上有無吸引到你呢?睇完後不妨講講意見啊!icon

中港 4G 7 吋平板華為 MediaPad X2 登場!賣價夠吸引嗎?

在文章發佈的時候,華為 MediaPad X2 的定價為 $3280 ,按此看詳細內容及最新賣價