7 吋平板減價戰!華為 X2 、 Asus 齊齊減,最平七百有找!

2015-08-29 23:35
就快踏入 9 月電腦節都完左一段時間,深水埗高登黃金都開始慢慢靜落黎,不過入手平板的最佳時機其實仍然未過,特別係對於想入手 7 吋平板的朋友來講,不論係「百元價位」還是旗艦規格的平板,係而家入手都仍然係有著數!一齊來睇睇!

7 吋平板減價戰!華為 X2 、 Asus 齊齊減,最平七百有找!


7 吋級別規格頂尖!中港 4G 華為 MediaPad X2 深水埗平近六百

首先當然要講左係今年 7 吋級別 Android 平板之中一支獨秀的華為 MediaPad X2 啦!呢部平板自年頭係 MWC 2015 登場的時候已有很多朋友期待緊,雖然香港要到 7 月尾先正式開賣,而且定價要 $3280 頂多只能叫合理而不叫吸引,所以不少網友都大表失望。對於想入手行貨而又想平買 MediaPad X2 的朋友,而家機會可能到啦!

目前係高登黃金來講,行貨華為 MediaPad X2 價錢一般都已經有所回落,三千樓下入手不成問題,但係想要用更平的價錢入手就要行遠少少了。因為係鴨寮街其實都有細鋪有賣 MediaPad X2 ,而且係價錢上都很吸引,只係 $2698 就有交易,平足六百大家又覺得算唔算到左「抵玩價」呢?

7 吋平板減價戰!華為 X2 、 Asus 齊齊減,最平七百有找!
▲ 係鴨寮街大家會見到有鋪頭為 MediaPad X2 標價 $2798 ,雖然算不錯但要留意仍未算最抵呀!
 

有無機會成為最平大廠平板? Asus 平板深水埗清貨最平 $650 有找!

講左旗艦級平板減價消息後就到左平價 7 吋平板減價啦。係電腦節完左之後,係深水埗場內原來仍然有細鋪搞緊大減價,當中主要以 Asus 的平板為主。版主睇過當中有啲平板減得比較多,有啲就無咁明顯。如果以搶眼程度來講的話, Memo Pad 7 Lite 應該最誇張,因為價錢只係 $638 ,同大陸「山寨」平板價相差不遠(當然規格不能有甚麼要求了)。

如果想要規格比較見得人,同埋要用到 4G LTE 上網的話,可能 FonePad 7 Lte 係比較好的選擇,但係價錢上其實減價不算很多。如果二千樓上仲係可接受範圍的話同樣做緊減價的 Memo Pad 8 LTE 可能會是更好的選擇。唔知大家又覺得近來最抵玩的 Android 平板係邊部呢?一齊來講講吧!

7 吋平板減價戰!華為 X2 、 Asus 齊齊減,最平七百有找!
▲ 電腦節已過,但係「電腦節特價」猶存,大家又會否襯機入手?

在文章發佈時,華為
MediaPad X2 賣價由 $2698 起,按此查看平板規格及最新賣價
文章發佈時,Asus Memo Pad 7 Lite 賣價由 $638 起,按此查看平板規格及最新賣價
文章發佈時,Asus Memo Pad 8 LTE 賣價由 $2399 起,按此查看平板規格及最新賣價