芒細左但有 2K? 4GB RAM 華為 Honor X3 平板規格曝光!

2016-01-04 13:13
在 7 月的時候,Huawei 在香港推出了一部支援中港 4G 的 7 吋平板 MediaPad X2 (Honor X2 為大陸版,而 MediaPad X2 為國際版),可以打出打入但價錢一點也不便宜,剛到香港要價成 HK $3280,當時就因為呢點,令部份網友感到失望。而最近有消息指出,黎梗嘅 CES (美國消費電子展)上,Huawei 好大機會會推出新一代的平板 Honor X3,唔知呢部 Honor X3 的賣點係咩呢? 即刻睇下!

芒細左但有 2K? 4GB RAM 華為 Honor X3 平板規格曝光!

最近有一張 Huawei CES 宣傳海報曝光,根據 @華為消費者BG 官方的說法,華為將於北京時間 1 月 6 日舉行發佈會,而從海報中我地可以睇到,呢部新機會採用金屬機身設計,而且邊框側面會有喇叭,估計喇叭將有機會會是呢部新機的賣點之一。而有人猜測,呢部新機好大機會係 Huawei Honor X3。

芒細左但有 2K? 4GB RAM 華為 Honor X3 平板規格曝光!

早前網上成日流傳,呢部 Huawei Honor X3 將會改用 6.2 吋芒,比上一代個芒細左,而重點是,解像度將會有 2K,而且仲會配備華為自家 Kirin 950 處理器。而最近有一張安兔兔有關 Huawei Honor X3 的圖流出,圖中顯示,除左 6.2 吋 2K 芒以及 Kirin 950 處理器之外,仲會內置 4GB RAM 以及 64GB ROM,至於相機配置方面未有消息,另外 Honor X3 或會預載 Android 6.0 作業系統。

芒細左但有 2K? 4GB RAM 華為 Honor X3 平板規格曝光!

市面上大部份稱得上為「平板」的,一般至少都係有 7 吋芒,但係如果以上安兔兔流出的資料屬實的話,咁呢部平板應該只有 6.2 吋芒,淨係比 Mate 8 大 0.2 吋,不過佢擁有 2K 芒,而睇番海報的主題「Rhythm x Entertainment」,估計呢部 Honor X3 應該會以娛樂為定位。如果單從配置規格來說,以目前流出的資料來說,尚算不錯。唔知大家對於呢部 6.2 吋平板有無興趣呢? 

芒細左但有 2K? 4GB RAM 華為 Honor X3 平板規格曝光!

來源:GizChina