Z4 Tablet 下周登場! Sony Z3C LTE 減價拼 iPad Mini 3

2015-05-13 19:59
剛才就同大家預報左 Sony 今季會推出有咩新機,而當中版主覺得最有睇頭的其實係 Xperia Z4 Tablet 。可能因為 iPad 強勢的關係,近年大廠牌推出的 Android 平板愈來愈少,而 Xperia Z4 Tablet 規格強勁之餘又有防水功能,自然更加令人期待。不過,係 Xperia Z4 Tablet 推出之前,上一代的 Z3 Compact Tablet LTE 版近排又有減價,比起 iPad Mini 3 的賣價更有吸引力,會否是入手的好時機呢?

Z4 Tablet 下周登場!  Sony Z3C LTE 減價拼 iPad Mini 3

今次要講的主角 Xperia Z3 Tablet Compact 係賣點上同將會推出的 Xperia Z4 Tablet 某程度上都係相似的,主打 IP65/68 防塵防水等級的同時厚度只有 0.64cm !而係硬件規格上都唔失禮,除左有 8 吋 FULL HD 屏幕之外亦用上 Qualcomm S801 2.5 GHz 四核配 3GB RAM 以及 16GB 的內置容量(可以用最大 128 GB SD 卡)。相機上都用左  810 萬像素獨家 Exmor RS 技術的主鏡頭,而前鏡就係 220 萬像素。即使係 2014 年推出,但其規格到現在都有一定的吸引力嘅,而且 Xperia Z3 Tablet Compact 已經可以 Update 上 Android 5.0 並唔 Out 呀!

係價錢方面,目前大鋪減價後 Z3 Compact Tablet LTE 版本跌落 $3998 ,四千蚊唔使,比起 WiFi 版更有吸引力。( WiFi 版目前有售的大鋪已經唔多,價錢要 $3498 ,比起 iPad Mini 16GB 版貴,都不算吸引) 如果想用更平的價錢去買的話,深水埗福仁商場都有聲稱行貨可以買到,價錢就 $3580 就有交易啦。

Z4 Tablet 下周登場!  Sony Z3C LTE 減價拼 iPad Mini 3
大鋪一般好少將 Z3 Compact Tablet 放在當眼位置,而且 WiFi 版都唔易搵。

係大鋪減完價之後, Z3 Compact Tablet LTE 的價錢比起主要對手 iPad Mini 3 cellular 版便宜。(深水埗場價當然更平啦)而同 iPad Mini 3 相比  Z3 Compact Tablet LTE 的優勝之處當然係有防水功能啦!唔知大家又會選擇即將推出的 Xperia Z4 Tablet 、減價的 Xperia Z3 Tablet Compact 還是 iPad Mini 3 或者之前版主 Eddie 提過減價的 Samsung Galaxy Tab S 8.4 LTE 版?大家一齊留言講講啦!icon

Z4 Tablet 下周登場!  Sony Z3C LTE 減價拼 iPad Mini 3

在文章發佈的時侯,Sony Z3 Compact Tablet LTE 行貨賣價 $3,998 按此看詳細規格和最新賣價。
在文章發佈的時侯, Samsung Galaxy Tab S 8.4 (4G LTE) 行貨賣價 $3,798 ,按此看詳細規格和最新賣價。
在文章發佈的時侯,Apple iPad Mini 3 Cellular (16GB)行貨賣價 $4,088,按此看詳細規格和最新賣價。
在文章發佈的時侯,Xperia Z4 Tablet 定價將會在 5 月 19 日發佈 按此看詳細規格和最新賣價。