2K 芒+S810 防水旗艦! Sony Xperia Z4 Tablet 香港定價你點睇?

2015-05-19 04:36
同一眾大牌子相比, Sony 近排的動作可能比較慢,不過好戲總係在後頭,經過今日(19/5) 的發佈會,大家就會明白到 Sony 已經準備好了!今次的新品發表會上面 Sony 一口氣推出左三樣新產品,雖然旗艦手機未現身但係旗艦平板就率先登場,究竟呢部係 MWC 2015 上發佈時已爭取到唔少朋友歡心的 Xperia Z4 Tablet 正式定價係幾多?能否挑戰到 iPad 的地位呢?大家一齊睇睇啦!

2K 芒+S810 防水旗艦! Sony Xperia Z4 Tablet 香港定價你點睇?
 

價錢公佈!防水防塵 2K 解像度 S810 Xperia Z4 Tablet 賣價破五千!

相信不少朋友都知道, Xperia Z4 Tablet 作為 Sony 本年度重點平板,從之前的一手試上已睇到呢部平板係規格以及外型方面都係屬於頂級水平。係外型上,除左延續 Xperia Tablet 可以防水的傳統,擁有 IP68 防水規格之外, Xperia Z4 Tablet 只有 6.1mm 厚,而機身都只係重 389g(LTE 版重量 393g)。而規格方面亦同樣很難挑剔, LTE 版本就有 4G LTE cat.6 的支援,而呢部平板也有 10.1 吋 2560 x 1440 的高解像度屏幕,而處理器上亦配備 Qualcomm S810 八核配合 3GB RAM 同埋 32GB 內置容量(支援 SD 卡)。係鏡頭上亦有 510 萬像素前鏡同埋 810 萬像素主鏡頭,以平板來講呢個規格亦唔失禮。電池方面都係 Xperia Z4 Tablet 的強項,擁有可以做到最多 17 小時影音連續播放 6000mAh 電量。如果想知更多有關 Xperia Z4 Tablet 的朋友就要重溫返呢篇精華啦。

係定價方面, Sony 就已經係今次的發佈會上公佈左, Z4 Tablet 只會有 4G LTE 版本同埋黑白兩色,定價為 $5398 。正式開賣日期就會到 6 月初。如果連一年 Office 365 服務同埋 BKB50 藍牙鍵盤就要 $6398 。如果想選用機套的話,大家也可以用 $199 呢個優惠價入手可以調較成兩個角度以方便打字的 SCR32 機套。

2K 芒+S810 防水旗艦! Sony Xperia Z4 Tablet 香港定價你點睇?
▲ Xperia Z4 Tablet 連埋 BKB50 藍牙鍵盤,再配埋 Office 365 1 年的訂閱服務價錢為 $6398。


同競爭相當激烈的手機市場不同,以目前市面上的平板來講,如果要揀選最強規格大牌子的 Android 平板的話基本上就只有 Xperia Z4 Tablet 能夠滿足到要求。( Samsung 今年推出左的重點平板都只有 S410 處理器的 Galaxy Tab A)唔知如果同大受歡迎的 iPad Air 2 以及同樣係由 Sony 推出,不過係用上 8 吋屏幕兼且有 LTE 版本同埋早排減左價的 Xperia Z3 Tablet Compact LTE 相比,大家又會屬意邊一款多啲呢?下面就有個規格列表比大家作為參考,睇完後不妨講講意見啊!icon

2K 芒+S810 防水旗艦! Sony Xperia Z4 Tablet 香港定價你點睇?

在文章發佈的時候, Sony Xperia Z4 Tablet 的定價為 $5398 ,按此查看詳細規格及最新賣價。
發表於 2015-05-20 14:15
2 樓
too expensive la.....