劈價 $1100!Z4 Tablet 最後清貨,對決減價 iPad Pro 你揀邊部?

2016-02-05 20:30
之前版主虎仔都同大家分享過, Sony 今年好大機會不再推出 Z4 Tablet 或者 Z3 Tablet Compact 的後繼機種,意味著有可能往後全面退出 Android 平板市場。消息一出不少網友都表示其實 Sony 出品的平板都是好東西,往後少左一個選擇令人惋惜。對於喜歡 Sony 平板的朋友要留意啦,其實 Z4 Tablet 係香港差不多已經無晒貨,想知點樣平價入手最後一水?一齊睇下文!

劈價 $1100!Z4 Tablet 最後清貨,對決減價 iPad Pro 你揀邊部?
 


入手最後機會? csl 「最後一減」平足 $1100

其實早係 1 月頭的時候,係深水埗場內基本上已經無乜鋪頭仲有賣 Z4 Tablet ,主要原因之一就係定價本身實在太貴了,減完價銷量都不見有明顯改善。另外係大鋪劈價戰期間,衛訊以「即減 $1000」作招睞的 Sony 平板,亦都係舊代的 Z3 Tablet Compact ,而 Z4 Tablet 卻不見蹤影。到左近日,版主再到深水埗時,已經唔覺有鋪頭有賣 Z4 Tablet 了。還好, csl 而家都仲有機會買大家買到,而且價錢比起之前更平!

近日,係 csl 網店上,大家已經可以透過「淨機超激價」買機,而 Z4 Tablet 亦都有平,價錢由原價 $5398 減至 $4298 ,減足 $1100 。比較可惜的是,連埋 BKB50 Keyboard 的 Z4 Tablet bundle 版本,係 csl 網店上已經無貨。相信現時 Z4 Tablet 淨機都所餘無幾,大家想入手就要快手。

劈價 $1100!Z4 Tablet 最後清貨,對決減價 iPad Pro 你揀邊部?
▲ 係文章打完之前, csl 仍然有 Z4 Tablet 可以買到。(在 csl online shop 買機時,係要輸入優惠碼的。根據 csl facebook 資料,〖只要喺產品頁面點選「淨機超激價」,然後喺按加入購物車嘅同時輸入優惠碼「SPECIAL」就得架喇!〗)

劈價 $1100!Z4 Tablet 最後清貨,對決減價 iPad Pro 你揀邊部?
▲ 連埋 Keyboard 的 Z4 Tablet 就已經無貨了。
 


iPad Pro 照樣有平!減 $700 有沒有吸引力

其實 Z4 Tablet 係外型、定位以至規格等都同 iPad Pro 唔太相同,但兩者有一個共通點,就係一樣係 csl 有得減價,所以版主就將兩部機拼埋一次過講晒啦!大家都明白, Apple 產品價錢企得相當硬,想唔到 iPad Pro 呢款 Apple 最新推出的巨芒平板,咁快有得減價,而且仲係一次過減足 $700 。不過,而家 csl 只係減左 iPad Pro 當中最貴的 128GB Cellular 版本,由 $8288 減至 $7588 。如果想平平地買新款 iPad 的話,還是留意一下減左 $300-$400 iPad Mini 4 比較好啊!icon

劈價 $1100!Z4 Tablet 最後清貨,對決減價 iPad Pro 你揀邊部?
▲iPad Pro 128GB Cellular 版本的淨機價減左之後,只比 WiFi 版貴 $300 ,會否叫人更有意欲入手?

劈價 $1100!Z4 Tablet 最後清貨,對決減價 iPad Pro 你揀邊部?
▲ 有個情況比較有趣,版主係 csl online shop 睇過, iPad Air 2 係顯示無貨,而 iPad Mini 4 同 iPad Pro 就不能進入購買頁面,即係點都買不到 iPad 啫?icon

來源:csl online shop

在文章發佈時, Sony Xperia Z4 Tablet 價錢為 $4398 ,按此看平板詳細規格及最新賣價。