平足三分一! Asus 、 Lenovo 4G+FHD 平版減價,抵唔抵?

2015-06-22 19:18
又有好一段時間無同大家分享平板減價的消息啦!話說近來各大廠牌對推出平板的熱情好像有所減退,除左 Sony 推出左旗艦級的 Xperia Z4 Tablet 之外就只有 Samsung 的中港 4G Tab A 系列平板。不過,近排係 4G 平板方面就有兩部機價錢減左唔少,較多嘅一部更加比起原價跌足三分一 !不知大家又會否有興趣呢?

平足三分一! Asus 、 Lenovo 4G+FHD 平版減價,抵唔抵?


Lenovo Tab S8-50 大鋪買平五舊,場內賣 $1880!

首先要介紹的平板就係 Lenovo 嘅 Tab S8-50 ,呢部平板其實推出左一段日子,但係留意到的朋友相信不多。係月頭的時候衛訊就宣佈會賣呢部平板,本身定價為 $2998 。一睇到價錢貼近三千,當然會嚇怕有意入手的買家啦!不到一個月,呢部平板係衛訊已經可以用 $2398 買到。而係深水趁黃金場內價錢就更低了!版主發現係深水埗場內只係 $1880 就有交易,比起原來定價平足 3 成多。分享完賣價就提下規格先,其實以硬件來講 Tab S8-50 並唔差,除左支援 4G 仲可以做到語音通話之外,係屏幕上都有 8 吋 1920 x 1200 ,處理器就係 Intel 的  Atom Z3745 四核心處理器配上 2GB RAM 以及 16GB 內置容量(支援最大 64GB 插卡)。相機方面, Tab S8-50 都有 800 萬像素主鏡頭同 160 萬像素前鏡,電池方面都有 4290mAh ,預載 Andorid 4.4 。另外值得留意就係, Tab S8-50 同 A6000 一樣屬於樂檬系列,所以背蓋都以黃色做主色,同時配備了支持 Dolby 音效技術的雙喇叭。
 

一減再減! 10 吋 Asus Transformer Pad 再平 $700

係上次分享減價 10 吋 4G 平板時,版主就提過 Asus 的 Transformer Pad 在場內已經三千有找,勢估唔到原來仲可以再劈多次價!係規格上其實 Asus Transformer Pad 同 Lenovo 的 Tab S8-50 相當近似,主要分別在於屏幕更大。除左支援 4G (但沒有語音通話功能)之外,係屏幕上 Asus Transformer Pad LTE 用左 10.1 吋的 1920 x 1200 解像度屏幕,處理器就係 Intel Atom Z3745 1.8GHz 四核心同 2GB RAM 同埋 16GB 內置容量。相機就係 500 萬像素主鏡頭和 120 萬像素前鏡頭,預載 Android 4.4.2 ,係賣價上,而家呢部平板 $2298 有找。不知大家又覺得今次兩部減價平板吸引力又大唔大呢?留言講講啦!

平足三分一! Asus 、 Lenovo 4G+FHD 平版減價,抵唔抵?
▲ 從 Lenovo Tab S8-50 可以見到, Android 平板有時真係可以減唔少的。

平足三分一! Asus 、 Lenovo 4G+FHD 平版減價,抵唔抵?
▲  雖然 Transformer Pad LTE 並不算新,但就減了不少。

文章發佈的時侯,Lenovo Tab S8-50 賣價 $1880 起,按此看詳細規格和最新賣價。
文章發佈的時侯,ASUS Transformer Pad (FHD) 賣價 $2298 起,按此看詳細規格和最新賣價。