4GB 內存秒殺三星 Galaxy View! 聯想 18.4 吋 2K 巨芒平板現身!

2016-05-13 12:17
還記得 Samsung 在去年 10 月發表的平板電腦 Galaxy View 嗎? 呢部平板電腦最大的特點,在於佢夠大,擁有 18.4 吋屏幕,尺寸上秒殺其他對手,但規格上就令人失望。雖然版主成日話,香港人中意大芒機,但如果俾到「超大」的芒,又係咪真係咁有吸引力呢? Apple 12.9 吋 iPad Pro、Samsung 18.4 吋 Galaxy View 的銷售情況,大家有目共睹。然而有消息指出,Lenovo 偏要推出超大芒的平板,不過在規格上就完勝 Galaxy View,唔知又能唔能夠說服到大家去買呢? 睇下文啦!

4GB 內存秒殺三星 Galaxy View! 聯想 18.4 吋 2K 巨芒平板現身!

一部代號為 PB2-690N 的 Lenovo 平板,日前悄然登錄 GFXBench 跑分網站,並透露了這部平板的規格。根據資料顯示,這部平板電腦跟 Samsung Galaxy View 一樣,都是 18.4 吋,而這部平板更採用了 2K 芒。在配置上,這部平板亦明顯比 Galaxy View 更強,屬中高階級數,配備了 1.8GHz Qualcomm 處理器 (估計應該是 S652) 以及 Adreno 510 圖像處理器,內置 4GB RAM 以及 64GB ROM,相機部份採用了 700 萬像素主鏡頭以及 30 萬像素前置鏡頭,並運行 Android 6.0.1 作業系統。

4GB 內存秒殺三星 Galaxy View! 聯想 18.4 吋 2K 巨芒平板現身!

今時今日平板市場的趨勢愈來愈傾向「變型筆電」,即是加上實體鍵盤之後,能夠變身成為筆電使用。如果呢部 Lenovo 平板都有配備實體鍵盤的話,相信會更加具吸引力。至於呢部機會幾時發表,暫時未能確定。對於這部平板,網友點睇呢?

來源:GFXBench