二千有找!即玩即訂!首批 Windows 10 平板真機搶試

2015-07-23 16:52
呢排大家都知道 Win 10 就到,有心急既網友早就安裝左黎玩。但安裝始終有風險,分分鐘搞壞自己部工作機器,而且 Windows 10 其中一個主打功能係整合體驗,又未必人人有 Win 平板係手上。是咁的,小弟決定話比大家知道,究竟香港邊度可以光明正大咁,唔使自己安裝一大輪,又玩到 Microsoft 官方認可既 Win 10 平板!試得啱,即可以即場訂來玩,最平一款,二千有找。 

二千有找!即玩即訂!首批 Windows 10 平板真機搶試

搶先睇女人最愛的 Hello Kitty 平板電腦
其實呢個地方就係市中心既灣仔,灣仔既會展喇! 小弟今日偷步入場2015 年香港動漫電玩節,發現 Xbox 同 Microsoft 既會場裡面,竟然有大量既 Win 10 平板試玩,更「離譜」既係竟然係現場可以訂購我最喜愛既 Hello Kitty 平板 + 鍵盤!先講係邊度可以試玩同訂購第一批 Win 10 平板,當然係灣仔動漫電玩節 D01、D02、E01 攤位啦!廢話少講,等小弟同大家簡單搶先試玩部新 Win 10 平板啦!

首先要介紹既係白色 Hello Kitty 特別版 Grace 10 ,擁有 10.1 吋 1280 x 800 解像度屏幕,處理器方面採用低價平板熱門既 Atom Z3735,配合 2GB RAM 和 64GB ROM,並支援最高 32GB 外置記憶卡,運行 Windows 10 作業系統和包含 Office for Tablets and Phones。跟機附送鍵盤一個,平板加鍵盤重量只有 1.1kg,配備 6600mAh 電池,官方聲稱可以提供 5 小時續航能力,預訂售價為港幣 2788 元,預計九月中正式推出。

二千有找!即玩即訂!首批 Windows 10 平板真機搶試
▲ 至於黑色 Hello Kitty 既 Grace 10 light 版,規格上大致相同,但配備 32GB ROM,電量有 6800mAh,同樣隨機附送可拆式鍵盤,定價為港幣 2488 元,預計八月底正式推出。動漫電玩節現場提供多部機比網友試玩,並可以預先訂購呢款可愛既 Win 10 平板!

二千有找!即玩即訂!首批 Windows 10 平板真機搶試
▲ 其實部 Hello Kitty 特別版有白色,Model 妹妹同部機好相襯!

二千有找平板 + 鍵盤
雖然 Hello Kitty 吸引,但更吸引既係一部叫做 Trekstor Surftab wintron 10.1 既平板,因為價錢好平,只係埋港幣 1999 元咋。但 Microsoft 方面就未有提供詳細既規格,而且聽聞未咁快正式發售,小弟我就偷偷影落黎比大家睇睇!

二千有找!即玩即訂!首批 Windows 10 平板真機搶試
▲ 其實 1999 元買到 10 吋平板 + 鍵盤,真心覺得抵!好過自己去淘寶買國產平板,畢竟呢 D 機有 MS 篩選過,質素應該有保證少少掛。

二千有找!即玩即訂!首批 Windows 10 平板真機搶試
▲ 眼利既網友可能見到上面個規格表唔係寫住 Win 10,但其實部野係可以行到 Windows 10 架!

二千有找!即玩即訂!首批 Windows 10 平板真機搶試
▲ 同樣跟機送鍵盤,係國產機果種折合式鍵盤套。

二千有找!即玩即訂!首批 Windows 10 平板真機搶試
▲ 背面大大隻字寫住 「Intel」,機身背部摸落好似三星 Galaxy S5 果種膠布感覺,但我覺得幾舒服。


Windows 10 既方塊界面更好用!
正主來了! 最令我期待既 Windows 10 竟然係會場內安裝嗮係 Surface 平板,比我任玩任試!先簡單講講我既試玩感覺:同 Win 8.1 有明顯分別,流暢度高之餘,方塊式界面亦變得更容易用,最起碼我會更願意去用啦!

二千有找!即玩即訂!首批 Windows 10 平板真機搶試
▲ 桌面界面同過往分別唔大,得個垃圾桶係桌面,最下面就係條功能 Bar。

二千有找!即玩即訂!首批 Windows 10 平板真機搶試
▲ 同 8.1 最大分別既地方在於,一開始就已經見到方磚界面下,功能 Bar 仍然存在! 代表我可以告別 8.1 果種繁複既拖、拉等操作手勢!從以往硬要分開兩個界面模式,到 Win 10 上已經整合左一齊,雖然呢個改動只係好細,但其實係操作上好用左好多,少左切換既過程同一眼就開到自己想要既野!

二千有找!即玩即訂!首批 Windows 10 平板真機搶試
▲ 會場內真係有有好多部 Surface 平板,玩到我唔想走~

二千有找!即玩即訂!首批 Windows 10 平板真機搶試
▲ Windows 10 另一個功能係串流 Xbox 遊戲,我現場玩過,流暢度非常好,睇唔出係 Streaming! 現場有專人服侍你,教你透過 Surface 平板串流玩 Xbox 既遊戲!呢個,小弟我興趣唔大,留翻比各位網友自行發掘啦!


如果你好似我咁,苦於手上無多餘既 Win 平板試玩最新系統,咁去動漫電玩節搵 Microsoft 確實係比較好既辦法,玩之餘又有專人解答你既問題。睇中既話更可以預先訂購埋 Win 10 平板,都算非常方便。